Mifugo na Uvuvi

   UTANGULIZI

Idara ya Mifugo na Uvuvi ni moja kati ya Idara 13 katika Halmashauri ya Wilaya ya Ikungi.

Shughuli za idara ni pamoja na; kutoa huduma za  Afya za mifugo, shughuli hii ina sehemu zifuatazo; Kinga, matibabu, udhibiti wa usafirishaji wa mifugo. Ushauri na mafunzo, Uzalishaji wa mifugo, Usalama wa mazao ya chakula yatokanayo na mifugo, Biashara ya mifugo, kusimamia uvuvi na ufugaji wa viumbe majini.

Lengo la shughuli hizi ni kwaajili ya kuboresha uzalishaji wa mifugo na kuinua mchango wa sekta ya mifugo na uvuvi kwenye pato la Taifa.

Msukumo ni kuongeza uzalishaji na ubora kuliko wingi wa mifugo kwa eneo. Kufanya ufugaji kuwa wa kibiashara, unaozalisha zaidi, endelevu, unaoongeza ajira na kulinda mazingira. Kuhamasisha, kulinda na  kusimamia shughuli za ufugaji na uvuvi wa samaki, kusimamia biashara ya samaki kwa nia ya kuongeza lishe kwa jamii na mapato ya taifa.

   WATAALAM

Idara inatakiwa kuwa na wataalam kwa ngazi ya Wilaya na ngazi za chini ( Kata na Vijiji) kama ifuatavyo ;

Ngazi ya Wilaya

Mtaalam wa viumbe vya majini (Uvuvi)

Mtaalam wa ugani

Mtaalam wa nyama na ngozi

Mtaalam wa Nyanda za malisho

Mtaalam wa wanyama wadodo

Mtaalam wa Utambuzi, usajili na ufuatiliaji wa mifugo

Mtaalam wa sekta ya Maziwa

Daktari wa mifugo.

Ngazi za chini

Kila kata inatakiwa kuwa na mtaalam moja mwenye stashahada

Kila kijiji kinatakiwa kuwa na mtaalam moja mwenye astashahada.

MIFUGO NA MIUNDOMBINU

Mifugo.

Eneo la Halmashauri ya Wilaya ya Ikungi ni kubwa linafaa kwa kufuga mifugo ifuatayo kwa madhumuni mbalimbali;

Ng’ombe, mbuzi, kondoo, punda, nguruwe, kuku, bata, sungura kwa idadi mbalimbali.

Kwa sasa aina na idadi ya mifugo iliyopo ni kama ifuatavyo;

Lengo la kufuga mifugo hii ni pamoja na Chakula, biashara (chanzo cha mapato) na wanyamakazi. Pia kuna mifugo rafiki kama mbwa na paka.

Miundombinu na maeneo ya malisho.     

Maeneo ya malisho yaliyopo ni yale yaliyopo kwenye maeneo yasiyo na matumizi mengine, yanaweza kuvamiwa wakati wowote. Inashauriwa maeneo yaainishwe, yatengwe na kupimwa kwa ustawi wa sekta ya mifugo.

• UVUVI

Kutokana na uhaba wa vyanzo vya maji kama vile mito,maziwa na mabwawa pamoja na nvua chache katika halmashauri kazi za uvuvi zimekuwa kwa kiwango kidogo hivyo kuchangia kipato kidogo katika uchumi wa halmashauri, maeneo muhimu ya uzalishaji wa samaki ni ziwa Wembere lililopo kata za Mgungira na Iyumbu,ziwa Kimbwi lililopo kata Mungaa na Makiungu ,bwawa  la Itigi lililopo katika kata ya  Irisya na mabwawa ya watu binafsi katika kata za Ikungi na Ihanja .