Jeshi la polisi lafanya Maadhimisho ya ukatili wa kijinsia

Posted on: December 10th, 2018

Tarehe 10/12/2018  ilikuwa ni siku ya kufunga siku 16 za kupinga ukatili wa kijinsia na watoto. Sherehe hizo zilifanyika katiak ukumbi wa shule ya Sekondari Ikungi, 

ambapo watoto wenye uhitaji wa mahitaji maalumu wa shule ya msingi Ikungi mchanganyiko walishiriki. 

TPF-NET SINGIDA Ilifanya maadhimisho hayo yakiwa na kauli mbiu USALAMA WAKE WAJIBU WANGU.

"Matendo ya ukatili wa kijinsia lazima yatokomezwe kutokana na ushirikiano wa jamii husika"  Jeshi la polisi mkoani singida limekemea makosa ya jinai yanayosababisha  ukatili wa kijinsia... alisema mgeni rasmi RPC SWEETBART NYEWIKE.

Ameitaka jamii kufichua matendo ya unyanyasaji wa kijinsia kupitia dawati maalumu ambapo kutakuwepo wa usiri wa taarifa.

naye Mkurugenzi Mtendaji wa Halmashauri ya wilaya Ikungi ndugu Justice Kijazi  katika hafla hiyo ameahidi kushughulikia changamoto wanazozipata wanafunzi wa mahitaji maalum. 

Changamoto hizo zimesomwa na mkuu wa shule ya msingi Ikungi Mwl  Loth  Ntandu.

Ametaja changamoto hizo ni pamoja shida ya maji shuleni hapo pamoja na upungufu wa vitendea kazi kwa ajili ya mahitaji ya watoto wenye ulemavu

"Serikali  ya awamu ya Tano inatambua changamoto za shule hii, na kila mwezi inatoa kiasi cha shilingi milioni 102 kwa ajili ya kuchangia elimu. hii ni juhudi kubwa kwa wilaya yetu ya Ikungi''

 aliendelea kusema kuna fedha ya washiriki wa maendeleo EQUIP- T nazo zinatumika katika shughuli mbalimbali za maendeleo.

kuhusu changamoto ya maji ndugu Kijazi amesema  Halmashauri ya wilaya Ikungi tayari imeshasaini mikataba ya visima nane zitakazo gawanywa kwenye kata mbalimbali, hivo kupunguza changamoto ya maji shuleni hapo

                                                              Mwalimu Mkuu wa shule ya Msingi Ikungi akipokea zawadi mbalimbali kwa ajili wa watoto wenye mahitaji maalumu

                                                                                                                              Katibu Tawala wa  Wilaya ya Ikungi Winfrida Funto

Washiriki waliofika kwenyemaadhimisho ya ukatili wa kijinsia