Ziara ya Waziri Mkuu yawa faraja

Posted on: August 5th, 2022

 Waziri mkuu wa Jamhuri ya muungano wa Tanzania Mheshimiwa Kasim Majaliwa Majaliwa amefanya ziara ya ukaguzi na kisha kuweka mawe ya msingi ya chuo cha mafunzo ya ufundi VETA pamoja na hospital mpya ya wilaya ikungi na kutembelea kituo cha afya Iglanson 

Mkuu wa wilaya ya Ikungi Mhe. Muro amesema ziara ya waziri imeleta faraja kwa wananchi wa ikungi kutokana na maelekezo yaliyotolewa na waziri mkuu majaliwa yanayokwenda kukamilisha miradi yote ya maendeleo ikiwemo hospitali mpya ya wilaya  na kituo cha afya Iglanson na chuo cha veta ambavyo amevitembelea

Dc Muro amesema kwa upande wao wanajipanga pamoja na uongozi wa halmashauri na veta kutekeleza maagizo yote yaliyotolewa na Mheshimiwa waziri mkuu majaliwa ndani ya muda mfupi ili wananchi wapate huduma bora za kijamii.

Naye mkurugenzi mtendaji wa Halmashauri ya wilaya ya Ikungi Ndugu Justice Kijazi  amemshukuru Waziri mkuu kwa Kukubali kuweka mawe ya msingi ya miradi yote mitatu na kuahidiwa kupatiwa watumishi wa kutosha pindi miradi  hio itakapokamilika.