Halmashauri ya Ikungi Kukabidhiwa Mradi wa Ikungi DVTC

Posted on: May 4th, 2021

Kikao cha makubaliano hayo kimefanyika leo 4/5/2021 baina ya wawakilishi kutoka Wizara ya Elimu  na mafunzo ya ufundi stadi, Mkurugenzi Mtendaji wa Halmashauri ya wilaya ya Ikungi, Uongozi wa VETA mkoa wa Singida Pamoja na Mkuu wa wilaya ya Ikungi Mh. Edward Mpogolo.

Kupitia barua yake yenye kumb Na. BC. 361/386/01A/08 ya tarehe 06 Februari 2021 Wizara ya Elimu  na mafunzo ya ufundi stadi iliagiza  Mamlaka ya Elimu na Mafunzo ya Ufundi Stadi (VETA) kufanya tathmini ya kazi zilizokwishafanyika na Kukabidhi Mradi  kwa Halmashauri ya Wilaya ya Ikungi ili iweze kukamilisha sehemu ya mradi iliyosalia.

Mradi wa Chuo cha Mafunzo ya Ufundi stadi Wilaya ya Ikungi, upo katika Kata ya Ulyampiti, Kijiji cha Muungano, Kilomita 6 kutoka makao makuu ya Wilaya ya Ikungi Mkoani Singida.

Eneo la mradi lina ukubwa mita za mraba elfu ishirini na mbili  na mia mbili hamsini ( 22,250 sqm).

HABARI PICHA

Mkurugenzi Mtendaji wa Halmashauri ya Wilaya ya Ikungi Ndugu Justice Kijazi na Mh. Edward Mpogolo wakiweka sahihi makubaliano ya awali ya makabidhiano ya mradi.

Viongozi toka Wizara Ya Elimu, Sayansi Na Teknolojia wakiweka sahihi makubaliano ya mkataba

Kaimu mwanasheria wa Halmashauri ya wilaya ya Ikungi akisoma mkataba huo kabla ya kusainiwa

Wakuu wa Idara na vitengo wakisikiliza kwa makini mjadala