RC AWAPA MAJUKUMU WAKUU WA WILAYA WAPYA MKOA WA SINGIDA.

Posted on: February 7th, 2023

MKUU wa mkoa singida Mhe Peter Serukamba amewapa maelekezo wakuu wa wilaya wapya kutatua changamoto mbalimbali zinazowakabili wananchi na kukuza mapato katika wilaya zao ili kuleta maendeleo endelevu mkoa wa Singida.

Akizungumza katika hotuba yake hii leo tarehe 07 februari 2023  wakuu wa wilaya wanne walioteuliwa kuja Mkoa wa Singida  amewaagiza kukuza ukusanyaji mapato na kutatua changamoto mbalimbali zinazowakabili wananchi wa Mkoa wa Singida kubwa zaidi ikiwa ni pamoja na migogoro ya ardhi, kukuza maendeleo kwa mwananchi pamoja na miundo mbinu...

Ameongeza na kusema kuwa namna pekee ya kutatua changamoto hizo ni kuimarisha mshikamano na ushirikiano baina ya watumishi na wananchi na kudhibiti vitendo vya rushwa ili kutoa haki kwa Kila anayestahili

Aidha amewata wakuu hao wa wilaya kusimamia kilimo na upandaji wa miti ili wakulima waendelee kuongeza maeneo ya kulima huku akibainisha kwamba Mkoa wa Singida umekua Mkoa wa pili kwa kuongeza eneo la kilimo ukiondoa Mkoa wa Morogoro.