TASAF III Awamu ya pili kuzinduliwa leo Tarehe 25/04/2021

Posted on: May 25th, 2021

Ufunguzi wa  utambuzi na uandikishaji wa kaya maskini kwa vijiji  Arobaini na nne (44) ambavyo havikufikiwa na mapango wa Awamu ya kwanza kuzinduliwa leo Tarehe 25/05/2021. Mheshimiwa Mkuu wa Wiilaya Ndg. Edward Mpogolo wa tatu kutoka kushoto amefungua hafla hiyo na kufurahishwa na Serikali kwa jinsi ambavyo inawajali watanzania wa hali chini.  Aidha amesisistiza kuwa watendaji watakaohusika kubaini kaya maskini wafanye kazi kwa weledi bila  kuwa na upendeleo wa aina yeyote. Naye Mkurugenzi Mtendaji wa Halmashauri ya Wilaya Ikungi Ndg. Justice Kijazi wa pili kutoka kushoto , ameishukuru Serikali kwa kupatiwa kaya nyingine Arobaini na nne (44)   ambazo awali hazikuwepo kwenye mpango. Ndg . Justice Kijazi amesema kuwa Halmashauri ya Willaya ya Ikungi ina vijiji 101 ambavyo kwa sasa vyote vipo kwenye mpango. Awali vijiji 57 vilikuwa kwenye mpango lakini kwa sasa baada ya kuongezeka vijiji 44  vijiji vyote vimefikiwa na mradi

Habari Picha

Mheshimiwa Mwenyekiti wa Halmashauri ya Wilaya ya Ikungi Ndg. Ally Mwanga wa kwanza kutoka kulia, akifuatiwa na Mheshimiwa Mkuu wa Wilaya Ndg, Edward Mpogolo (katikati) pamoja na Mkurugenzi mtendaji wa kwanza kutoka kushoto wakijadili jambo kabla ya uzinduzi wa mpango wa TASAF III Awamu ya pili kwa vijiji 44. Mapacha hawa watatu wanaonesha nyuso za furaha kwani  wanafanya kazi kwa upendo na ushirikiano mkubwa jambo ambalo limeifanya Halmashauri ya Wilaya ya Ikungi kushamiri.

Mkuu wa Wilaya akiongea jambo kwa wawezeshaji watakaofanya zoezi la kubaini kaya maskini katika vijiji 44. 

Washiriki wa semina ya uandikishaji wa kaya maskini wakionesha kuwa makini kusikiliza somo ikiwa ni siku ya kwanza ya mafunzo hayo, ambayo yatafanyika kwa muda wa siku tano katika ukumbi wa Halmashauri ya Wilaya ya Ikungi.Aidha Semina hiyo kwa siku ya kwanza ilishirikisha  Kamati ya Ulinzi na usalama ya Wilaya, Waheshimiwa Madiwani, Wakuu wa Idara na Vitengo na  wawezeshaji walioteuliwa kuandikisha kaya maskini,

Mwenyekiti wa Halmashauri akiwaasa washiriki wa mafunzo ya Mpango wa TASAF III  Awamu ya pili

 Mkurugenzi Mtendaji akizungumza jambo na washiriki wa mafunzo ya Mpango wa TASAF III  Awamu ya pili

Afisa ufuatiliaji wa miradi ya TASAF katika Halmashauri ya Wilaya ya Ikungi Bi Nuru Mkomambo akijibu maswali kwa ufasaha  yaliyoulizwa na washiriki wa mafunzo ya utambuzi na uandikishaji wa kaya masikini TASAF III Awamu ya pili

Matukio mbali mbali katika picha